一葉小廚 (已結業)

21/11晚，收工晏左，銀鿋已經兩間收早，走過黎駿景園睇下有咩醫肚。比呢間台灣野吸引左，平日呢d時間地點竟然都七成滿，門口女待應都好好態度，好快安排我坐單邊，一個人免除塔枱尷尬，較瘦女待應推介煲仔飯，話好好味，不過當日天氣較暖，而且其實我比酸菜魚吸引左等左十分鐘左右就有得食，色彩繽紛，十分吸引，味道好好，酸味十足，材料好豐富，有蘿蔔酸菜瓜等等什菜，魚肉有皮，類似什班之類魚肉，非新鮮魚肉，不過都合格，大約七小件左右。餐跟肉燥飯，肉燥飯正常，送一隻流心旦及少少配菜。餐飲正常。酸菜魚雖然不能跟內地大品牌相比，不過絕對能過過口癮，此店酸菜魚具有中下水平辣度，要注意。