大本瀛日式放題

營業中

休息中

琴日同朋友打完羽毛球，覺得好肚餓想去食放題，跟住就去咗兆萬嗰度睇下有邊間放題好食。嗰度超多放題，好多人喺下邊拉客。我哋即刻去open rice睇吓啲食評，最後揀咗入呢一間度食。一入到入邊，覺得入邊好特別，因為全部都係卡位。不過最重要當然係嘢食啦。所以我哋急不及待拎左張紙不斷係咁寫。啲嘢來得好快，第一樣來係刺身。啲刺身放題來講算新鮮，所以我地之後都有 encore。之後食咗花之戀、火炙三文魚都唔錯。不過最好食意想不到係壽喜燒牛肉鍋。（第二輪刺身，壽司 同 壽喜鍋）壽喜鍋有肥牛、金菇、菜、豆腐、蛋。肥牛、菜、豆腐吸左壽喜汁好好味 ！其他食物都 okay , 見圖。甜品有 雀巢雪糕、雪米糍，木糠布甸同奶凍。個人最鍾意食雀巢紅豆味雪糕 ！! 雀巢雪糕裡面最好味就係紅豆味雪糕喇。呢間放題唔錯，有機會再來幫襯。