悠 定食屋 (已結業)

咁啱嚟開打乒乓波，見到之前關門大吉嘅餐廳，原來已經轉咗做日式餐廳。即管再嚟試下先，望落去佈置比較簡單，都係貼咗啲日式海報喺牆度。 場地衛生嘅，不過唔好嫌咁多啦，呢個位成日都轉餐廳，都唔知呢間又可以做到幾耐。 最緊要啲嘢好食，留得住啲客。睇下餐牌有咩好食先最後我哋叫咗牛油露筍什菌，西京燒銀雪魚同 東京風炭燒雞扒加蕎麥麵。牛油味真係好重，有啲太重口味。 牛油味太搶，唔多露筍，但好多菇。銀鱈魚係厚肉嘅， 燒得好靚， 面頭好似加咗啲蜜糖去燒， 所以滑得嚟又甜甜地 。但份量真係超細 ，睇下你要食質素 定係食份量啦。我哋叫咗豬骨湯底，夠曬豬骨味。 湯底好滑好順好易入口， 雞扒份量都係細，不過有個蕎麥麵搭救， 呢一個都值得encore。