樂天皇朝 (利舞臺廣場) (已搬遷) 新店位置

今晚約咗去做gym，點都要食少少野先做運動，咁啱gym room都喺利舞臺附近，於是就一個人去咗gym room附近嘅樂天皇朝度食個輕盈晚餐啦～一個人都食唔到啲咩，就簡簡單單咁叫咗個原味小籠包，皮夠薄，但包唔易穿，肉汁好鮮甜，基本上每次去樂天皇朝都會叫一份。可能好多人都會叫佢個8色小籠包，我之前都有食過，但食過咁多次始終都係覺得佢原味嘅小籠包做得最好，雖然好似冇咩gimmic，但咁樣先至係最顯得出師傅嘅功夫！