藍天使餐廳 (已結業)

在農翔中心找間似樣的餐廳，確實有點困難。下午兩點零鐘，就走進藍天使吃個下午茶。這裡下午茶餐大部份都是$28，價錢算合理。餐廳內有隻幾大既牛擺設，是華爾街的那隻，幾過癮，或許老板是炒股票起家的。入正題，下午茶餐款式唔少，飯麵西多等一應俱全。我要個吉列豬公仔麵，另外兩位人兄則要西多配腸仔和黑椒豬排意。等候時間較耐，聽見好多檯客都催單。但食物算有水準，公仔麵是行貨，不詳談。但吉列豬扒是熱騰騰的，好香好脆，是剛炸起的，而且份量唔少。西多腸仔勁大份，比一般茶餐廳的大好夕好多，是XXXL size。同樣，也是剛炸好的，熱得燙口。跟餐當然有飲品，$28咁既份量，可以吧！