影片
更多
2011-02-18
12 瀏覽
跟老公渡過10隻手指都唔夠數既情人節、以往陶醉於為慶祝而慶祝，而家只在乎 Happy Mood，隨心而行就滿足。基本上無論平日定係節日, 品嚐到心頭美食就係我倆永恒既目標，這就是喜悅！逹磨跟另一間响大坑既日式甜品店係我近黎蠢蠢欲試既食肆，兩者同時係人潮澎湃、佔據榜位良久，可想而知其人氣極盛。節前有做過策略評估，照推斷情侶們應大多以西餐慶祝情人節，咁達磨既人潮應順理會比平日減退，但評估失敗，事實係"無........."！大約8點半到逹門口，嘩........門口一帶起碼有20幾30人輪候，形成兩"浸"人潮，熱閙程度十足一個墟，急急取得輪候號碼就揾野食打下底先。醫過肚後返去睇睇情況，輪候人潮大大減退，玻璃門則有告示貼出 - "所有湯底沽清，有輪候號碼者方可入座。"，此時大約為9點15分，約剩10幾人，既然作戰到尾段，無理而家由退出啫，繼續站立苦等到9點30分，曙光終於出現，老闆娘識做先送上情人節朱古力給大家打氣，隨後為我地送上餐牌。差不多10點，我地終於可以安坐，原來店舖面積細小，只能一字型擺放5張4人座，而且座位狹窄，怪不得需時較長才能疏導人潮。第一眼就被一排紅噹噹被畫上一隻左眼既達磨
逹磨跟另一間响大坑既日式甜品店係我近黎蠢蠢欲試既食肆，兩者同時係人潮澎湃、佔據榜位良久，可想而知其人氣極盛。節前有做過策略評估，照推斷情侶們應大多以西餐慶祝情人節，咁達磨既人潮應順理會比平日減退，但評估失敗，事實係"無........."！大約8點半到逹門口，嘩........門口一帶起碼有20幾30人輪候，形成兩"浸"人潮，熱閙程度十足一個墟，急急取得輪候號碼就揾野食打下底先。
醫過肚後返去睇睇情況，輪候人潮大大減退，玻璃門則有告示貼出 - "所有湯底沽清，有輪候號碼者方可入座。"，此時大約為9點15分，約剩10幾人，既然作戰到尾段，無理而家由退出啫，繼續站立苦等到9點30分，曙光終於出現，老闆娘識做先送上情人節朱古力給大家打氣，隨後為我地送上餐牌。
差不多10點，我地終於可以安坐，原來店舖面積細小，只能一字型擺放5張4人座，而且座位狹窄，怪不得需時較長才能疏導人潮。第一眼就被一排紅噹噹被畫上一隻左眼既達磨公仔吸引，根據蔡瀾先生既資料，逹磨公仔是用來許願的，通常買後，在公仔的左眼點上眼珠，這一年內，所許願望實現的話，就在右眼處畫眼珠，表示完成。唔知老闆有咩願望？莫過於生意興隆、客似雲來，相信好快可為公仔畫上右眼晴，嘻！
餐牌陳列簡單易明，湯麵主要分豬骨、醬油及辣味豬骨三種，可加 Side Dish，如粟米、筍、黑木耳等，另有一款飯及好幾款小食同飲品。
逹磨一品豚骨拉麵 + 黑木耳：
賣相豐富討好，面上好像舖了一層閃爍既黏膜，細嚐湯底，有著一股濃濃豬骨香味，最愛其入喉順暢自然。與其豬骨湯底比較，感覺膠質較重，多飲亦唔乾確，相信餚湯功夫不賴，加上無味精之故。至於豚肉，原來此店經多次實驗後採用了荷蘭豬肉，之前未曾聽聞，試落口感嫩滑，絶不遜於日本豚肉。值得一提係每碗湯麵面上都放有一小束燈紅色既物體，原來係此店特別醃製既辣味魚子，平日我不愛既魚子，經變身後，帶小辣，野味中又不減魚子本身既口感，竟喜歡上他！
另加黑木耳$8，原以為會放在湯麵上，但原來係另上。食味與一般日式黑木耳無分別。
醬油豚骨拉麵：
湯底似是混合了其他味道，醬油食味佔比例夠少，與平日食到單一醬油味明顯唔同，沒深究是否日本其他地方既特式，不過味道也配調得宜，不失為一個美味香濃既湯底，只係個人較享受清純既醬油味而已。豚肉、义燒都係同樣既美味。
達磨對於麵質亦相當重視，有關粗、幼、重量等都經一段時間研究，不過這被肯定既麵條就唔係我杯茶，因為感覺不夠彈性、質感也較淋。
菠菜釀雞翼：
最讚賞佢既外皮，燒得恰度香脆有口感之餘，亦唔會太焦太熱氣。面層塗上薄薄既醬汁及灑上芝麻，令顏色更搶、更吸引。
老闆娘提到佢地既辣汁係自家製，由大蒜加辣椒磨製而成，由於製量不多，每日只有小量。我好辣，唯獨日式拉麵不敢，原因係經驗所得，辣味每每掩蓋豬骨湯底既香味。但逹磨既辣汁會以小碟另上，食客可用麵條點上輕嚐，正好唔會影響湯底原味，又可過癮一番，安排好細心呀！
短短一碗麵既時間，發覺小小既店裡，其實蘊藏許多美味來源。枱上可愛小貓頭鷹既擺設，任您猜也猜不到，原來裡頭盛載獨製蒜泥，蒜泥源自日本，加上白醋調和帶小許酸味，喜歡蒜味既朋友一定要試，又是另一種獨特滋味。另外達磨會為客人送上一杯白開水，為什麼不是綠茶？千祈不要小窺呢杯白開水，經過兩小時過濾去除氯氣及氟氣，比平時既飲用水入口較順滑幼細，睇下您又飲唔飲得出！
無論您認唔認同達磨既湯麵，但觀乎此店老闆對每項食材都細緻入微，付出半年租金在店舖做實驗，每幾個月大師便黎香港一趟做品質測試，就係呢種敬業樂業同尊業嚴緊既精神已令本人非常敬重，希望其他食客試麵時可揾到更多細緻秘密與我地分享。
張貼
