荔香園冰室 (已結業)

知道旺角附近有間叫荔香園茶餐廳嘅環境好特別，好有舊香港懷舊風味，所以今次特登去食下午茶。Order咗招牌海陸空鮮茄配意粉、紅豆厚西多士、紅豆冰、龍鳳檸樂。全部食物都令我回憶返細細個去茶餐廳食嘢嘅感覺，無論賣相同埋周圍嘅環境都好正，絕對係打卡之選。招牌海陸空鮮茄配意粉，有炸魚柳、豬扒同埋煎雞扒，配埋港式茄汁，真係好好味而且意粉亦都好配合，最緊要份量好充足。紅豆厚多士入面嘅紅豆，一切開滿瀉曬出嚟，而且每粒紅豆都超大粒好有紅豆味，西多熱辣辣，配上牛油同甜醬真係冇得輸。紅豆冰就一向都係我嘅至愛，去茶餐廳必叫之選 ，龍鳳檸樂飲到檸檬及咸檸嘅味道，唔係好多地方有得飲，所以一有機會我都會叫。