影片
更多
2018-11-02
43 瀏覽
今日同朋友去樂園食飯，原因係入面有貓貓玩。一入去覺得間餐廳好colourful，而隻貓貓則坐在枱上招呼客人😍玩左一陣貓，就點食物。我地點左2個main同一個甜品。我地點的main 都用黑色長方形碟上，碟上都有一隻貓樣，感覺貓貓好似陪住你食飯咁。整個setting 和presentation 都好靚，十足十dessert art 咁。香煎龍膽石斑柳有石斑、沙律菜、薯蓉、伴碟點綴的秋葵和水果。石斑煎得恰巧，皮脆肉嫩。沙律菜份量夠多又多款，啱哂我呢排少食菜。薯蓉可以多啲牛油味，不過而家感覺清啲其實健康啲。安格斯西冷扒塊西冷好大塊，同我隻手掌✋差唔多大小。我叫左5成熟，切下去肉色好鮮嫩，再簡單配上少許黑椒，食落去已充份將牛味帶出。呢個怪獸雪糕真係好怪獸，佢有怪獸裝飾不特止，連分量都係好怪獸級。呢個甜品用威化餅做底，香蕉、忌廉、棉花糖伴碟，再配上6球雪糕，分別係綠茶、藍莓、黑芝麻、雲呢拿、芒果、朱古力雪糕等。我朋友見到之後直情雙眼發光，係咁不停話要影相。而雪糕中我最喜歡藍莓味，味道最似，另外黑芝麻味也不錯，我朋友則喜愛棉花糖，覺得好有咬口。柑桔紅茶走時貓貓已經睡著了。這兒環境好，食物又不錯，又可
今日同朋友去樂園食飯，原因係入面有貓貓玩。
一入去覺得間餐廳好colourful，而隻貓貓則坐在枱上招呼客人😍
玩左一陣貓，就點食物。我地點左2個main同一個甜品。
我地點的main 都用黑色長方形碟上，碟上都有一隻貓樣，感覺貓貓好似陪住你食飯咁。整個setting 和presentation 都好靚，十足十dessert art 咁。
香煎龍膽石斑柳
有石斑、沙律菜、薯蓉、伴碟點綴的秋葵和水果。石斑煎得恰巧，皮脆肉嫩。沙律菜份量夠多又多款，啱哂我呢排少食菜。薯蓉可以多啲牛油味，不過而家感覺清啲其實健康啲。
安格斯西冷扒
塊西冷好大塊，同我隻手掌✋差唔多大小。我叫左5成熟，切下去肉色好鮮嫩，
再簡單配上少許黑椒，食落去已充份將牛味帶出。
呢個怪獸雪糕真係好怪獸，佢有怪獸裝飾不特止，連分量都係好怪獸級。
呢個甜品用威化餅做底，香蕉、忌廉、棉花糖伴碟，再配上6球雪糕，分別係綠茶、藍莓、黑芝麻、雲呢拿、芒果、朱古力雪糕等。我朋友見到之後直情雙眼發光，係咁不停話要影相。而雪糕中我最喜歡藍莓味，味道最似，另外黑芝麻味也不錯，我朋友則喜愛棉花糖，覺得好有咬口。
柑桔紅茶
走時貓貓已經睡著了。
這兒環境好，食物又不錯，又可以同貓貓玩解煩憂，不錯。
張貼
