影片
更多
2022-10-22
367 瀏覽
星期六瞓到自然醒，相約好友嚟和富道食晏。想搵間大家都未幫襯過嘅 Café hea 下，上網見有人推介呢間新開嘅「Studio Caffeine」。餐廳設有室內和戶外座位，店內裝潢簡約，以木色為主調，灰白牆身配木系檯櫈，加上近門口嘅折疊窗戶引入自然光，令視野更開揚舒適。店鋪主打手工意粉同咖啡，另外亦有一系輕食、沙律、酸種麵包及甜品等可供選擇。先嚟一客班尼迪蛋配酸種麵包，水波蛋外形脹卜卜，面頭鋪滿了大量荷蘭醬，切開有流心效果，配搭咸香嘅豬背熏肉及沙律菜同吃，味道甚佳。墊底嘅酸種麵包水準亦唔錯，食落好有咬口，而且有種特別嘅果酸味，同水煮蛋好夾。慢煮牛肋骨肉醬寬帶麵：牛肉以低溫慢煮方式處理，令食物保存原汁原味，入口肉質綿綿，非常鮮嫩。闊條麵嚼勁十足，柔韌彈牙，加上索滿了紅酒醬汁嘅精華，吃起嚟特別濃香惹味。飲品點咗杯 Mocha ($45) 同 Hojicha Tea Latte ($45)，兩杯飲品嘅拉花都好靚，前者香濃順滑；而焙茶 Latte 嘅色香味亦不俗，after taste 有茶味嘅回甘。
星期六瞓到自然醒，相約好友嚟和富道食晏。想搵間大家都未幫襯過嘅 Café hea 下，上網見有人推介呢間新開嘅「Studio Caffeine」。
餐廳設有室內和戶外座位，店內裝潢簡約，以木色為主調，灰白牆身配木系檯櫈，加上近門口嘅折疊窗戶引入自然光，令視野更開揚舒適。
店鋪主打手工意粉同咖啡，另外亦有一系輕食、沙律、酸種麵包及甜品等可供選擇。
先嚟一客班尼迪蛋配酸種麵包，水波蛋外形脹卜卜，面頭鋪滿了大量荷蘭醬，切開有流心效果，配搭咸香嘅豬背熏肉及沙律菜同吃，味道甚佳。
墊底嘅酸種麵包水準亦唔錯，食落好有咬口，而且有種特別嘅果酸味，同水煮蛋好夾。
慢煮牛肋骨肉醬寬帶麵：牛肉以低溫慢煮方式處理，令食物保存原汁原味，入口肉質綿綿，非常鮮嫩。闊條麵嚼勁十足，柔韌彈牙，加上索滿了紅酒醬汁嘅精華，吃起嚟特別濃香惹味。
飲品點咗杯 Mocha ($45) 同 Hojicha Tea Latte ($45)，兩杯飲品嘅拉花都好靚，前者香濃順滑；而焙茶 Latte 嘅色香味亦不俗，after taste 有茶味嘅回甘。
張貼
