HeSheEat (THE FOREST)

營業中

休息中

週末最鍾意同男友去試吓唔同嘅cafe，今次嚟到呢間日日都好多人嘅咖啡館探店。呢度嘅食物擺得好靚，味道又啱晒我哋嘅口味，畀咗我哋視覺同味覺嘅享受。牛肉漢堡嘅牛肉好嫩滑，仲有濃郁嘅牛肉香味，加上麵包好軟熟，同牛肉一齊咬落去，好香口，令人食到停唔到口！間中仲可以食吓香脆嘅薯條，解吓滯。男友就睇中咗蜜糖薯仔煎豬扒。豬扒嘅外皮煎得啱啱好，仲有啲焦香味，豬肉食落去又香又軟，令男友讚不絕口！尤其係豬扒嘅配菜，蜜糖薯仔，甜而不膩，仲有蜜糖嘅香味，好有特色！小食仲叫咗一份柚子三文魚沙律。三文魚好新鮮，完全冇腥味，仲帶出咗柚子嘅香味，食落去特別清爽，食完正餐嚟一碟，簡直正到不得了！飲品嘅顏色都好吸引我哋。士多啤梨之戀酸酸甜甜，仲有提子嘅香味，飲落去畀人一種戀愛嘅感覺。仲有男友叫嘅椰香咖啡沙冰，淡淡嘅椰子香味帶出咖啡獨有嘅香氣，凍冰冰，飲落去好順口，真係好啱週末嚟一杯！呢間咖啡館嘅食物同飲品都好有特色，我哋下次仲會再嚟試吓更多嘢食！