影片
更多
2014-02-20
2481 瀏覽
過年放假執屋,發現舊年8月份買o既 caffè HABITŪ 團購 coupon 仲未用,原來呢個月底就到期,所以上星期六中午放工後就去呢間咖啡店下午茶其實以前只係幫襯過呢間咖啡店一次,o個次係用團購 coupon 買一杯咖啡,呢間咖啡店係屬於自助形式,客人到收銀處落單及付款,之後再取食物及飲品呢間分店位於灣仔告士打道稅務大樓對面,大馬路有齊幾間咖啡店,感覺上 caffè HABITŪ o既價錢會貴過另外兩間咖啡店 之前係網上用$20 買團購 coupon,可以得到一張 8安士咖啡飲品換領券以及一張杯子蛋糕換領券,憑券可以換領8安士咖啡飲品一杯 (包括黑咖啡、白咖啡、泡沫咖啡、鮮奶咖啡),另加 $10 或 $12 可升級至中杯(12安士)或大杯(16安士),至於杯子蛋糕換領券可換領杯子蛋糕一個其實呢四款咖啡平時只係賣中杯(12安士)或大杯(16安士),細杯裝咖啡可能係為左團購優惠而設,我要左比較鍾意o既鮮奶咖啡 Latte ,當日諗住o係咖啡店坐耐少少先走,所以我加$12 升級至16安士大杯裝選擇完咖啡就要選杯子蛋糕,見到一個玻璃罩中有顏色鮮艷o既各款 cupcake,留意到紅色o
其實以前只係幫襯過呢間咖啡店一次,o個次係用團購 coupon 買一杯咖啡,呢間咖啡店係屬於自助形式,客人到收銀處落單及付款,之後再取食物及飲品
呢間分店位於灣仔告士打道稅務大樓對面,大馬路有齊幾間咖啡店,感覺上 caffè HABITŪ o既價錢會貴過另外兩間咖啡店
之前係網上用$20 買團購 coupon,可以得到一張 8安士咖啡飲品換領券以及一張杯子蛋糕換領券,憑券可以換領8安士咖啡飲品一杯 (包括黑咖啡、白咖啡、泡沫咖啡、鮮奶咖啡),另加 $10 或 $12 可升級至中杯(12安士)或大杯(16安士),至於杯子蛋糕換領券可換領杯子蛋糕一個其實呢四款咖啡平時只係賣中杯(12安士)或大杯(16安士),細杯裝咖啡可能係為左團購優惠而設,我要左比較鍾意o既鮮奶咖啡 Latte ,當日諗住o係咖啡店坐耐少少先走,所以我加$12 升級至16安士大杯裝
選擇完咖啡就要選杯子蛋糕,見到一個玻璃罩中有顏色鮮艷o既各款 cupcake,留意到紅色o個款幾精緻,我以為係士多啤梨,店員話呢個係 Red Velvet cupcake,其實聽完呢個英文名都唔知係乜野味道,店員話呢個 cupcake 面頭白色係酸忌廉糖霜,至於紅色蛋糕係一款花o既味道,但唔係玫瑰花,對於店員o既介紹,其實唔多滿意,冇理由唔知道係用左乜野花造 cupcake,我又唔係問佢地造呢個 cupcake 落左乜野材料或者生產配方呢類商業機密,無論如何,我選左 Red Velvet cupcake 做下午茶蛋糕
當日下午兩點幾,或者同一時間多人落單,所以我要等左大約五分鐘先有得拎咖啡,人客不算十分多,所以我o係咖啡店較入位置都搵到一張枱o既座位可以自己坐,有自己的空間,本來我比較想坐o係燈光充足o既地方,因為入面座位o既燈光會比較暗,影相冇咁清楚
食件蛋糕,飲杯咖啡,聽下店內悠閒音樂,都算係忙裡偷閒,又可以用店內 wifi 免費上網,原來 caffè HABITŪ o係好早期已經俾客人免費使用 wifi,只要買任何飲品或食品,收據上會顯示 wifi 上網密碼
先試下杯鮮奶咖啡 Latte,可能花左唔少時間影相關係,冇即時飲杯咖啡,所以溫度只係剛夠熱,呢杯咖啡o既拉花拉得一般,面層有厚厚o既奶泡,飲落都算夠棉,飲完杯咖啡仲有幾多泡黏著杯邊,鮮奶咖啡 Latte 苦味不多,所以我冇落糖
至於 Red Velvet cupcake,面頭插著一個小紙牌,呢款紙杯蛋糕面頭白色係酸忌廉糖霜,至於紅色蛋糕係一款花o既味道,散發淡淡花香,以前食過o的 cupcake 都落左好多糖霜,簡直係甜到死,不過呢件 cupcake 唔會太甜
呢間咖啡店近年開多左較高檔次o既餐廳,雖然大部份食物及飲品冇乜分別,價錢亦差不多,不過要收客人加一服務費,若果今次團購選擇到餐廳換領咖啡及紙杯蛋糕,客人需要額外支付加一服務費,當日我黎呢間係屬於普通咖啡店另外,咖啡店果然貫徹佢地飲食集團o既宗旨,睇到個牌話只會供應免費熱水,若果想飲唔熱o既水就要俾錢買店內樽裝礦泉水,記得以前去過同集團鈴木珈啡館食晚餐,侍應係會俾杯滾燙o既熱水客人 ,溫度仲高過杯熱咖啡,根本唔能夠即時飲,侍應話公司政策係只供應免費熱水,客人若果想飲凍水就要俾$16買一支水
總括黎講,呢餐下午茶都算抵食,但若果以正價計算,就真係幾貴呀! 留意到幾多人飲 Rose Latte,唔知係唔係呢間咖啡店招牌飲品,日後有機會可以試下!
題外話/補充資料：
caffè HABITŪ 間中有特別推廣優惠,例如某日有指定飲品買一送一,若果唔想錯過優惠,大家要多o的留意佢地o既 facebook 專頁!
(以上食評乃用戶個人意見 , 並不代表OpenRice之觀點。)
張貼
