小甜谷 Dessert Kaffee (已結業)

今日做一日文青，同朋友遊誠品，尋找書中ge黃金屋。吸收完精神食糧之後，心靈滿足但肚皮表示飢餓😂😂😂，於是就去左一直都想試好耐ge小甜谷，食左個滿意ge Early Dinner😋😋😋香草煙三文魚窩夫披薩 ($108): 甜ge窩夫就食得多，咸食ge窩夫就第一次試!創意無限，而且非常滋味！窩夫鬆脆，同三文魚、芝士好配👍🏻👍🏻👍🏻而且熱騰騰食到啖啖拉絲芝士，芝士濃郁而且份量足，三文魚上ge蟹籽更係令成個窩夫披薩囗感再豐富d，錦上添花，好食過好多披薩😋北海道軟殼蟹忌廉意粉 ($138): 兩大塊軟殼蟹炸得好脆，但亦唔會好油膩。另外，意粉質感唔錯，軟硬適中，d忌廉汁均勻地滲入意粉，都屬中尚之作。鮮榨神奇菠蘿 ($68): 對呢個原隻菠蘿汁十分滿意👍🏻👍🏻👍🏻飲得出呢個菠蘿汁無加到冰，唔係沙冰果類，係真係原汁原味ge新鮮菠蘿汁，非常真材實料，仲食到d新鮮菠蘿肉，清清涼涼，香香甜甜，夏天飲真係一流，又健康又美味，再黎多次小甜谷ge話我會再點多次菠蘿汁😋😋😋血橙鮮果特飲 ($35): 朋友好鐘意食橙，佢點左血橙鮮果特飲。呢杯特飲有奇異果，火龍果，香橙等等雜果。我試左一啖，覺得味道幾豐富，而且幾清爽。