牛陣 (荃新天地) (已結業)

話說今日完成考車合格，緊係要食番餐賀賀佢。經過見到牛陣推出壽喜燒套餐就岩哂啦，因為日本人會係喜慶節日食壽喜燒慶祝。而且望落個做法幾似平時去日本食正宗壽喜燒既做法。平時係日本食正宗的壽喜燒真係幾貴，見到連鎖店都有日本黑毛和牛的壽喜燒套餐挺吸引加上可同時食火鍋放題就試下啦～店員詳細介紹做法，先放2舊和牛油脂，再放洋蔥京蔥和壽喜燒醬汁～將黑毛和牛放在鍋內炙燒兩面。牛肉用壽喜燒做法煮後，吸收到醬汁精華之餘，再點上另一主角生雞蛋食，因為本身牛肉肉質已經嫰滑而肉汁同生雞蛋非常夾，食落口唔會太肥膩。黑毛豬肉同樣都唔錯，肉身脂肪比例幾好，入口油花較易溶化。2者之間都各有特式。套餐同時附送冬菇、春菊、白菊、豆腐等一齊做壽喜燒配料。覺得剩食壽喜燒太悶的話，之後仲可以將壽喜燒醬汁同日式清湯變成打邊爐。同平時食一樣，可以係自助區任夾蔬菜、麵、其他配料等等～款式一向都多，而荃新天地店自助區係正中間，唔需要繞過好多枱食客就可以到達，可以睇到位置設計上都花了點心機。任點既肉有牛舌、牛肉、海鮮～等等甜品方面有乳酪軟雪糕同哈根達斯既雪糕，而且有數款可揀～對雪榚有要求GE人士當然不可以錯過啦。另外飲品選擇亦足夠。好滿足呀