炯記燒味 (坤成樓)

營業中

休息中

今日例牌黎烔記整啲燒味翻去。半斤醬皇腩叉——今日個腩叉超級靚！真係完美嘅半肥瘦，可以清楚見到叉燒中間薄薄一層膏，肉質都唔錯，味道甜鹹恰到好處。有時出去其他燒味檔都好驚會鹹得際中伏，烔記作為連鎖店黎講就唔驚呢個問題。最好就即日食多啲唔好再翻煮，唔係啲肉就唔滑。原本純屬試下，叫埋未試過嘅口水雞，哇點知仲大驚喜。我懷疑呢個辣醬係翠宏嘅味——識食嘅你一定知道呢隻萬能辣醬香而不辣，完全停唔到口。仲要隻雞連雞胸肉都好滑，我屋企小朋友本身好挑食嘅，點知都滑到分唔出啲雞胸，照食！總結：以後標準搭配一定係口水雞+其他燒味