板長壽司 (創紀之城五期) (已結業)

平日8點幾完全唔使等位。全場只係坐左一半左右。見到做北海道主題。有北海道海膽帶子三文魚籽。叫左個三文魚籽試下。唔太覺同之前食有咩分別。而魚類壽司方面。劍魚油甘魚正正常常。火炙魚背唔錯。火炙幫助帶出魚油。魚肉爽口。三文魚醬油漬壽司好肥美。好鍾意食佢嘅醬油味。最後個天婦羅就唔多達標。炸醬薄。不過裹覆度唔夠。只可以話似係炸南瓜同蕃薯。唔似係天婦羅。唔係會員次次都要用佢部平板落單。雖然係叫做比實體menu高科技。不過其實load得好慢。成日都要等d相慢慢彈出嚟。同時覺得都幾污糟。拎上手有啲立。如果有人定時清潔就會更好。