Arte by Padaria (已結業)

我都幾鍾意去又一城睇人溜冰，嗰日睇人溜冰發現對面開咗間蛋糕舖，佢啲蛋糕造型好靚，忍唔住買咗兩個返屋企同肥仔分享。

佢嗰度嘅牛角包，都唔係普通嘅牛角包，全部係一個個波波嘅造型，有鹹有甜，有好多隻味可以揀，幾吸引。

然後佢仲有好多曲奇，亦都係有好多唔同嘅味揀，但係我今次睇中咗個蛋糕，仲要開心果味，所以決定下次先再試其他。

開心果味嘅蛋糕，淨係造型都已經贏晒。有一粒白朱古力做嘅開心果入邊係有紅莓醬，同埋流嘅開心果醬，層次豐富，忍唔住同Horace 兩個成個啪晒🥰

經典香蕉太妃批，個底係朱古力脆皮，好濃郁好好食。好高嘅係焦糖奶油入邊仲有香蕉，口感細膩豐富。又係鍾意甜品嘅唔能夠錯過。