Cafe Paradise (已結業)

朋友喺附近返工，剛好我係呢邊做treatment ，順手約埋佢一齊食個晚飯，係佢公司行過嚟大概只需要8分鐘，就嚟到呢一間有熊熊陪你坐嘅咖啡餐廳。呢度嘅晚市十分之抵食一位套餐有前菜，有湯，主菜，甜品同埋飲品都係講緊＄100至到$150 。我呢就同朋友點左呢個黑松露野菌天使麵同埋豬手拼黑松路薯蓉。然後先發現原來呢個月食咗好多餐有黑松露嘅食物。西湯係西蘭花忌廉湯。沙律係有油醋汁嘅新鮮沙律。黑松露大蝦天使麵黑松露味道十分之香，有好多美味嘅大蝦，絕對唔係得壹兩隻。黑松露味道很香，天使麵掛汁能力很高。豬手係拼黑松露醬蔬菜等等，呢度嘅豬手外皮香脆，肉質鹹香，份量激大，最重要係中間嘅脂肪層超級美味。黑松露薯蓉亦都十分之足料，配上蕃茄翠玉瓜蘿蔔等等嘅新鮮蔬菜，越嚟越喜歡食蔬菜的我，快速清晒啲菜啊！甜品係甜甜嘅凍餅，小巧剛剛好。飲品方面我點左呢個橙汁特飲解渴又消暑。＄150已經可以食到咁多野十分之抵，強烈推薦呢度嘅豬手。喜歡食膠質嘅朋友不要錯過！呢度仲有好多隻可愛嘅啤啤熊陪你坐。得意到爆。