沙嗲王 (已結業)

旺角、尖沙咀、灣仔、銅鑼灣，咁樣走法，唔累就假既。不過，好記得舊同事的一句說話，"野可以唔做住，食一定要食"。所以我就捉住個同事快快去食個lunch。中午繁忙時間，竟然唔使等位，旺角區可謂少見。呢度set lunch有幾款，有辣有唔辣，任君選擇。當日不想食辣，只揀了日式魯肉飯，有配飲品及甜品。日式魯肉飯，肉切成肉粒，配上紅蘿蔔粒、青豆、粟米粒，肉有點甜甜地，幾好。只是醬汁不夠多，否則送飯會很不錯。甜品是什麼菓子，有兩粒，睇起都唔想食，結果無試到。同事食左一粒，話唔太差喎！飲品要芒果紅茶，無味無道，比起台式連鎖店綠野仙縱的特飲差很多。有部機，可以點菜、加水、埋單等，有人認為好方便，我就覺得多此一舉。