影片
更多
2009-05-22
284 瀏覽
同朋友去呢間餐廳食晚飯格局不錯 環境不錯 openrice 既評價也不錯諗住呢一間餐廳都應該唔錯點知... 睇埋落去你就知我地叫左一個蛋餅, bread pudding, 兩個set dinner- 西蘭花菜湯, sesar salad, lamb burger, 肉醬天使麵, 仲有叫左三杯飲品 - mocha, hot chocolate, maxican choclate首先個蛋餅, 個樣望落去好好味,誰知 一食落口, d蛋好乾, 感覺似有媽媽味道既番茄炒蛋, 但係整體感覺都ok , 我地都食哂呢個蛋餅跟住bread pudding, 個pudding 口感都係dry, 一d 都唔鬆化(之前食自助餐既bread pudding 都係軟綿綿架麻), 有硬硬的感覺, 我既同事話, 雖然係食緊pudding, 但係放落口中時卻有種馬拉糕既感覺... 仲要係難食, 發唔起既馬拉糕感覺.... 講真, 真係有d似馬拉糕...再來個西蘭花菜湯, 我個兩個朋友飲左兩啖就唔飲, 因為個湯係煮完就將d材料再放落攪拌機攪到碎哂個隻, 佢地唔鐘意個texture, 但係我就無乜所謂, 結果我飲鬼哂佢,
格局不錯 環境不錯 openrice 既評價也不錯
諗住呢一間餐廳都應該唔錯
點知... 睇埋落去你就知
我地叫左一個蛋餅, bread pudding, 兩個set dinner- 西蘭花菜湯, sesar salad, lamb burger, 肉醬天使麵, 仲有叫左三杯飲品 - mocha, hot chocolate, maxican choclate
首先個蛋餅, 個樣望落去好好味,誰知 一食落口, d蛋好乾, 感覺似有媽媽味道既番茄炒蛋, 但係整體感覺都ok , 我地都食哂呢個蛋餅
跟住bread pudding, 個pudding 口感都係dry, 一d 都唔鬆化(之前食自助餐既bread pudding 都係軟綿綿架麻), 有硬硬的感覺, 我既同事話, 雖然係食緊pudding, 但係放落口中時卻有種馬拉糕既感覺... 仲要係難食, 發唔起既馬拉糕感覺.... 講真, 真係有d似馬拉糕...
再來個西蘭花菜湯, 我個兩個朋友飲左兩啖就唔飲, 因為個湯係煮完就將d材料再放落攪拌機攪到碎哂個隻, 佢地唔鐘意個texture, 但係我就無乜所謂, 結果我飲鬼哂佢, 因為我有預感之後黎既野都唔會話太好味~
Sesar salad- 呢個係我其中一個朋友話係全場最好味既菜式之一, 因為無做任何既加工, 就咁菜葉加souce, 最raw !! (順帶一提, 我地叫左Sesar salad, 但係佢初頭係黎錯左第二隻沙律, 於是我就偷食左一舊水牛芝士後就同佢地講黎錯左, 於是佢地收番碟沙律, 轉頭就見到佢地倒番落個沙律盤度)
Lamb burger- 呢一個真係有d古怪, 睇Menu寫住Lamb burger, 但係個菜上到黎我地就問, 個漢堡包塊包皮去左邊? 結果我地見到羊肉下面有地好似提子方包既物體.... 原來佢burger 既定義係同我地burger 既意思係唔同既... 好! 唔緊要, 我地試下d羊先.... 煎到好乾, 帶少少燶味但又勁油, 真係好麻麻呀...; 個伴菜烤茄子, 怪味, 恕我地真係唔識得欣賞; 好啦, 食哂塊羊肉, 下面塊面包好似比油浸煮咁, 濕到爛哂, 點食呀, 我食左少少, 真係好難食, 有種油浸油炸鬼既feel....
肉醬天使麵- 呢一個比較好少少, 但係都唔係好得, d蕃茄肉醬似係超級市場買既一罐罐肉醬咁, 但係仲要好慳皮, 肉醬都唔係落多, 結果... 都係一個字: 乾....但又係油; 此時, 富有想像力既同事就話呢, "你地望下厨房部抽油煙機, d意粉似係個放油個兜度煮咁呀, 好大陣煙味呀...." 佢又講得無錯呀, 的確形容得好貼切...
食左咁多乾爭爭既食物, 真係好希望杯飲品可以補救番我地對佢既印象
mocha- ok la ... 有咖啡味
hot chocolate- 飲唔到有朱古力味, 我淨係飲到有奶味
maxican choclate- 個waiter 話係帶辣味既chocolate, 飲第一啖真係有辣既味道, 而且有朱古力味, 而我既富有想像力既同事又話呢, "杯野有去左中藥鋪既個陣氣味..." 飲飲下, 真係覺得有喎, 杯野仲要飲左一半之後, 無哂朱古力味, 淡如水... 真係飲唔落去...
我既標題之所以係分子料理餐廳, 係因為有好幾種食物, 我地食落口都發覺唔係個種食物既味道, 而係會令你想起另一種食物; 仲要明明係美式餐廳, 但係係餐廰內每隔一段時間都會聞到一陣小肥羊既四川辣味, 所以真係好勁, 唔係咁多餐廳做得到
張貼
