燒肉時代 (已結業)

今日早上在大嶼山行山後，到東涌食午飯。由於消耗很多體力，所以非常肚餓，於是去咗一間食韓燒嘅店。我同朋友點左個美國五花腩烤肉，部隊鍋辛辣拉麵蛋邊鍋配雞。烤肉整體不錯，師傅預先喺廚房將肉稍為輕輕調味好，然後放在鍋上，肉味立即散發，未食已經流晒口水。啲肉好juicy，燒完之後仲可以配埋其他配料一齊食，所以食落唔會太乾，太dry。至於部隊鍋，入面有芝士腸，粟米，雞蛋，午餐肉，年糕等等。午餐肉吸收部隊鍋的精華，所以非常入味，牛油粟米好香甜，辛辣麵夠彈牙，旁邊有蛋漿，可以按照自己嘅口味放粟米同芝士落去。店舖嘅Service都唔錯，經常有店員會留意我哋個鍋，以防我哋煮得過火。最後，由於太口渴的關係，我哋點咗杯柚子忌廉沙冰，杯沙冰令我們很意外，柚子同忌廉呢個配搭非常夾，淡淡的柚子配汽水，不但解渴而且很清新，令呢個午餐錦上添花。我同朋友都好鍾意。