Neko Puff (已結業)

送禮最啱！呢度嘅”得獎拿破崙“係即叫即焗嘅，所以需要提早一小時預訂先有得食，如果想現場買現成嘅話就會有啲芝士餅、朱古力蛋糕、慕斯蛋糕等等😋今次我地就提早預約咗個香蕉麻薯朱古力拿破崙蛋糕。平時香蕉朱古力餡料嘅薄餅就食過，香蕉朱古力拿破崙就真係第一次聽第一次食。拿破崙高度有番咁上下而且層次分明口感超級豐富，有酥脆有香滑。香蕉肉係原條切成一粒一粒，淺黃色咬感剛剛好💛 忌廉質地香滑呈咖啡色帶啲朱古力香味🍫 最頂頂仲有塊硬硬地雕咗花嘅深啡色朱古力牌，成件事更加精緻賣相又靚靚仔仔📷