糖百府 (已結業)

前兩期tvb週刊有個冰品特輯介紹夏天冰品, 我細佬睇到佢介紹糖百府講到鬼死咁吸引叫我帶佢去食. 自從幾個月之前排左個幾兩個鐘之後都無去過. 有時經過見到有咁多人係到等都唔想去. 不過呢期知佢開左好多分店, 諗住人流可能會分薄左, 所以下晏就黎呢到食左個下午茶. 去到門口見到仍然都係有一大班人圍住, 不過亦都可能因為係下晏5點幾比較少人, 我哋2個人只係等左一陣間就有得入去.坐底見到人哋嗰d好細碟... 我明明記得我上次黎既時候份量多到我嘩嘩聲嫁喎. 不過可能佢哋係自選配搭就細份d, 因為我點左個宇治金時, 黎到時份量好明顯比哋既多 (咁當然價錢都貴d啦), 但係感覺上都無上次咁多. 兩個人order一客黎過口隠勉強可以既~~~綠茶味既冰味道無變淡, 只係... 感覺好似d冰唔夠 "凍", 無左綿綿既感覺...... 感覺係一入口, 都未食到佢已經溶晒, 亦都可能係天氣既關係, d冰溶得好快, 都未食完一半已經成兜水. 門口成棚人係到等位, 食完連坐都唔意思坐多陣, 感覺有d似食快餐, 一樣咁快同一樣咁機械化, 連d待應都係咁機械化. 無左成班人食糖水嗰種歡樂既氣氛囉.