丸十寿司日本食堂 (已結業)

呢間壽司店我之前已經食過兩次，印象中味道不錯，間唔中捻起想食壽司都會想再黎。今日同閨蜜慶祝生日，我就提議到•丸十壽司•嚐鮮😋餐廳以精米作為賣點，精米比普通大米嘅含糠量和其他雜質量更少，口感更佳。壽司飯採用赤醋混合而成，突出魚鮮味。餐廳位於旺角朗豪坊12樓朗豪坊連接港鐵，除左有各式各樣的服裝店仲有埋戲院。食完飯可以行下街或者睇場戲做下場都唔錯。餐廳樓底好高，光線充足。我地安排左坐角落，可以自成一角就感覺私隱度高啲。中間四張枱連埋一齊就好易聽到隔離左右講乜。由左至右起 ✨炙燒三文魚腩、炙燒池魚、炙燒左口魚邊、甜蝦•三文魚腩賣相好吸引，但食落油脂唔夠。•左口魚邊油脂足夠，入口溶化，可惜有啲筋。•甜蝦好大隻，有手指尾咁粗，入口好鮮甜。✨丸十壽司盛 $298•海膽係日本海膽，入口鮮甜，一啲腥味都冇•牡丹蝦肉質爽甜，略嫌細隻左少少，好似赤蝦咁嘅size •帆立貝亦非常鮮甜•大鮪魚腩，油脂尚可，入口甘香。由於本人唔太喜愛池魚，所以冇食到🙈✨丸十究極之卷 $288視覺嘅震撼，差唔多有我成個拳頭咁大😱但真係太大件，搞到好咬，一咬就散晒。寧願佢價錢平啲份量細翻啲，可以一啖食晒。吞拿魚蓉好