影片
更多
2013-06-29
1649 瀏覽
已經好耐無試過呢間餐廳，每次唔係無book位無得入就係臨時有野做去唔到。Anyway，心血來潮之下，今日一早就book左位去回味佢既signature pasta。十二點幾去到，一枱人都冇，心知不妙，不過既然一場黎到就算啦。是日叫咗兩個$118既pasta set，appetizer可以選擇湯或者沙律，另外再加pasta同埋coffee or tea。南瓜湯︰是日餐湯令我十分失望，南瓜湯淡而無味，好似用南瓜味精粉開水整咁，湯裏面完全搵唔到南瓜蓉或者任何配菜，湯既texture就好似水咁，一D張力都冇，小小鹽都費事落，失望到極。Salmone e crema︰呢味三文魚意粉既味道尚且勉強可以接受。切左粒既三文魚令到魚既味道走左少少，不過都總算不過不失。只可惜致命傷係個意粉，事關真係硬得好緊要！一咬落去第一口已經食得出未煮得夠腍，而我地亦即時反映比waiter聽，但係獲回覆既答案係「呢個係廚師特別既煮法」！即時O左，唔通硬到咁就係呢度D意粉既特色？Anyway，由於趕時間既關係，加上怕俾人加料，所以沒有深究，唯有硬着頭皮繼續食落去。Geso: 呢個用豉油煮既意粉，貫切左佢fusion既作風
南瓜湯︰是日餐湯令我十分失望，南瓜湯淡而無味，好似用南瓜味精粉開水整咁，湯裏面完全搵唔到南瓜蓉或者任何配菜，湯既texture就好似水咁，一D張力都冇，小小鹽都費事落，失望到極。
Salmone e crema︰呢味三文魚意粉既味道尚且勉強可以接受。切左粒既三文魚令到魚既味道走左少少，不過都總算不過不失。只可惜致命傷係個意粉，事關真係硬得好緊要！一咬落去第一口已經食得出未煮得夠腍，而我地亦即時反映比waiter聽，但係獲回覆既答案係「呢個係廚師特別既煮法」！即時O左，唔通硬到咁就係呢度D意粉既特色？Anyway，由於趕時間既關係，加上怕俾人加料，所以沒有深究，唯有硬着頭皮繼續食落去。
Geso: 呢個用豉油煮既意粉，貫切左佢fusion既作風。意粉好硬唔在講，唔知係咪廚師重手左定係呢個又係佢地既「特色」，碟野真係鹹到爆，基本上每條意粉都索晒豉油既味道，所以食起上黎個口感非常差，一口都係olive oil溝豉油之餘，重要混合埋唔腍既意粉，可想而知個感覺有幾「特別」。唯一可以加佢分既係D魷魚，都算入味同埋煮到啱啱好，唔會有整得過熟而咬唔開既感覺。只可惜既係由於D豉油實在太鹹既關係，當D魷魚撈勻喺個sauce之後都係鹹到苦，有D失望！
凍檸茶︰無諗過咁簡單既野都可以令我失望。檸茶淡而無味，無乜野茶味之餘亦完全飲唔到檸檬既鮮味，就好似食自助餐DIY果D檸茶檸水，完全唔係一個百幾蚊set lunch應有既水準。最特別既係另一杯熱檸茶佢竟然俾左包黃糖？咁簡單既野都搞錯？究竟係佢地真係唔識，定係求求其其俾左個客就算？
走既時候餐廳連半滿都冇，我就知道觀眾既眼睛永遠都係雪亮的。希望餐廳喺硬件（食物）同軟件（員工質素）方面真係要落多點功夫，去挽回客人已經失去既信心，否則距離末日之期應該不遠了……
張貼
