小肥羊 (已結業)

尋日同朋友去練毅行者，行完麥理浩徑第七同第八段大家已經又累又餓，商議後決定去荃灣小肥羊大擦一餐獎勵自己。我叫個羊肉套餐，另加該店最馳名燒羊排。基本上大部份食品都係同羊有關，粉係用羊脂搓成，小籠包係用羊肉餡，另外一味用薄餅皮包羊肉亦很惹味。燒羊排不及銅鑼灣分店的香，但這店勝在唔使等位。環境方面，地方寬敞兼有電視睇，但用作裝飾燈籠卻遮住半個螢光幕。九點後支裝汽水買一送一，而且有別於其他分店唔使大排長龍等位，所以如果該區覓食都係一個好去處。小肥羊一向標榜唔使用醬汁，而佢個辣味湯底都真係幾夠味，好彩鴛鴦湯底可以有辣有唔辣。百零蚊可以大吃大喝一頓全羊宴，都覺得幾滿足。