翠園餐廳 (已結業)

居然去錯考試場地，急忙大埔非的去竹園，但早餐都未食，唔食野邊有力考試呀！見到茶餐廳就求其盅入去，是但醫飽肚算喇。牛腩魚蛋麵走蔥，又會咁好食既？唔怪得樓上啲餐廳靜蠅蠅啦。湯底濃郁香甜牛肉味，連飲幾啖停唔到口，爽彈鹼水麵爽到索索聲，掛住香甜湯汁衝入口中直達喉嚨，好好味呢！牛腩軟棉入味完全無渣，高質！魚蛋滑溜又爽彈，辣椒油都唔錯。總評級為中上出品，非常滿意。最尾問收銀姐姐體育館係邊，佢好激動又驚訝話對面馬路咪係囉，一望就見到啦！我第一次黎，知係邊就唔洗問您啦，我仲要比的士司機點左入商場囉，先走左黎翠園食野乍。