美心西餅 (尖沙咀站) (已結業)

男朋友放工係美心買左個迷你鮮果蛋糕，佢話突然好想食蛋糕wo，未開盒，我諗住係普生果蛋糕，冇咩特別期待。！？食完飯佢急不及待走去雪櫃攞個蛋糕出黎，嘩，我見到都幾驚喜，個蛋糕雖然細，但d生果多到係平時一磅裝咁多。切開個蛋糕係好有難度，所以我地就咁食。先食d生果，夠新鮮，層層疊，最正佢第一層係車厘子，大粒夠甜又唔會過熟，跟住重有奇異果，提子，哈蜜瓜，最底嘅蜜糖蛋糕只有1”高左右，蛋糕夠密度鬆軟又唔乾唔過甜，再加上cream好薄，我可以話呢個係我食過最light嘅蛋糕，好味。