S2 鐵板燒 (已結業)

日本菜式真係人人都喜愛，例如佢嘅壽司、拉麵以及鐵板燒，個人喜歡日本嘅鐵板燒因為可以睇到師傅即席表演亦可以品嚐到最新鮮嘅食物。今次去咗佐敦S2 kitchen主理嘅鐵板燒餐廳，餐牌入面有多款不同鐵板燒套餐，有以牛肉為主題嘅菜式，亦有以海鮮為主的套餐。上菜前店員先來一杯青檸花旗蔘茶，增添無限暖意。套餐一開始就是沙律盛合杯，內裏有蕃茄、青瓜、甘筍等蔬菜口感清新。接著就是三點刺身，刺身食材食新特別佢嘅帶子亦很肥美。美國簿燒牛肉個人超鍾意呢個菜式，牛肉火候剛剛好而且肉質嫩滑亦很重牛味，加埋內裏嘅蒜片嘅香味，一齊咬落去真係可以令人溶化。香煎牛脷伴海膽他他汁，濃郁嘅牛味真係令人印象深刻，而且牛脷份量真係好多，非常滿足。s2特色黑松露炒飯材料豐富，特別佢用咗好多黑松露，令食之前已經聞到好濃郁嘅黑松露香味，而味道相當融和而且飯粒分明真係一個炒得很好嘅炒飯。時令紙包蜆湯，以紙包嘅形式去煮個湯已經非常之有特別，而且內裏嘅食材新鮮，每一啖湯水都包括左新鮮嘅蔬菜以及蜆嘅鮮味。