7
0
0
等級3
66
1
🎵 I can show you the world 🎶 迪士尼嘅好萊塢酒店自助早餐有咩素食呢?一齊嚟睇下。👁️👁️望落好似糯米飯呢係炒飯嚟嘅,冇肉㗎,有啲冬菇碎同三色豆,應該加咗豉油炒(老抽啩,我唔識煮飯 sorry 😂)。由於炒得好乾身,所以真係有食緊糯米飯嘅感覺,好好食呀。😛幾款點心之中,竟然都照顧到素食者喎,除咗有奶皇包,仲有素餃,係我鍾意嘅厚皮,餡係雜菌嚟嘅,同平時酒樓食到嘅雜菌素餃差唔多。🥟兩款咖哩都係素食嚟嘅,利申冇食,因為晨早流流唔想食咖哩 😅。睇返相片一款係鷹嘴豆,一款係車厘茄,蕃茄,青椒咁上下啦 😸。附近有啲印度薄脆比大家點咖哩食。兩款粥之中,素食者可以食嘅係邊款呢?當然係白粥啦,另一款係皮蛋瘦肉粥。港式混醬腸粉都有,可以用嚟送白粥食。😊有粥有飯,中國四大發明嘅粉同麵都唔缺少喎,啲麵好特別,有南瓜麵,薯仔麵,菠菜麵等,佢都有即食麵但唔知係咪呢排好 hit 嘅大光麵喇。壞消息係個湯係豬骨湯嚟嘅,素友們可以視乎自己素食尺度決定食唔食喇,或者唔要湯當撈麵食都 okay。👌🏻新年食糕仲食唔夠嘅朋友,呢度有蘿蔔糕同芋頭糕,蘿蔔糕有蝦米臘肉就唔意外啦,芋頭糕素友們可以食,我食過都幾
更多
🎵 I can show you the world 🎶 迪士尼嘅好萊塢酒店自助早餐有咩素食呢?一齊嚟睇下。👁️👁️

望落好似糯米飯呢係炒飯嚟嘅,冇肉㗎,有啲冬菇碎同三色豆,應該加咗豉油炒(老抽啩,我唔識煮飯 sorry 😂)。由於炒得好乾身,所以真係有食緊糯米飯嘅感覺,好好食呀。😛

炒飯
30 瀏覽
0 讚好
0 留言


幾款點心之中,竟然都照顧到素食者喎,除咗有奶皇包,仲有素餃,係我鍾意嘅厚皮,餡係雜菌嚟嘅,同平時酒樓食到嘅雜菌素餃差唔多。🥟

素餃
38 瀏覽
0 讚好
0 留言


兩款咖哩都係素食嚟嘅,利申冇食,因為晨早流流唔想食咖哩 😅。睇返相片一款係鷹嘴豆,一款係車厘茄,蕃茄,青椒咁上下啦 😸。附近有啲印度薄脆比大家點咖哩食。

咖哩
26 瀏覽
0 讚好
0 留言


兩款粥之中,素食者可以食嘅係邊款呢?當然係白粥啦,另一款係皮蛋瘦肉粥。港式混醬腸粉都有,可以用嚟送白粥食。😊

白粥,混醬腸粉
20 瀏覽
0 讚好
0 留言


有粥有飯,中國四大發明嘅粉同麵都唔缺少喎,啲麵好特別,有南瓜麵,薯仔麵,菠菜麵等,佢都有即食麵但唔知係咪呢排好 hit 嘅大光麵喇。壞消息係個湯係豬骨湯嚟嘅,素友們可以視乎自己素食尺度決定食唔食喇,或者唔要湯當撈麵食都 okay。👌🏻

即煮粉麵
26 瀏覽
0 讚好
0 留言


新年食糕仲食唔夠嘅朋友,呢度有蘿蔔糕同芋頭糕,蘿蔔糕有蝦米臘肉就唔意外啦,芋頭糕素友們可以食,我食過都幾好食,好香口同非常足料。💪🏻

小朋友最愛嘅三角薯餅同雞蛋都有,水有三種狀態大家都知,自助早餐嘅蛋都係,包括 scrambled eggs,荷包蛋,同烚蛋。通常酒店嘅 scrambled eggs 唔會太差啦,但呢度食落去杰撻撻咁,有點怪,可能落太多牛油?荷包蛋就唔錯,烚蛋冇食。🥚
薯餅,煎蛋,炒蛋
27 瀏覽
0 讚好
0 留言



早餐嘅飲品換咗做奶,除咗牛奶,仲有燕麥奶同豆醬。燕麥奶夠凍又香甜,豆漿豆味好濃郁,各有各好飲。🥛

燕麥奶,豆漿
34 瀏覽
0 讚好
0 留言


麵包餅類方面,麵包有牛油,蜜糖同果醬可供搽麵包。萄撻熱辣辣超好食。熱香餅我冇食,但賣相唔錯。另外有米奇(朱古力味)同小熊維尼(藍莓味)造型鬆餅,除咗靚之外都好好味。🧁

葡撻,熱香餅
41 瀏覽
0 讚好
0 留言


鬆餅
35 瀏覽
0 讚好
0 留言


佢有啲凍瑞士麥皮,問過成份有忌廉同奶嘅,仲加咗啲果仁。當然唔少得有生果同各款味道嘅杯裝乳酪。🍧

至於琴晚出現過嘅薄餅,冷麵同沙律,早餐都見到喎,當然我冇做個記號睇下係咪琴晚食剩㗎啦。😀

總括嚟講,迪士尼好萊塢嘅自助餐,素食者冇咗果種比錢入嚟陪人食嘢嘅感覺,真係食得飽之餘,可以食嘅款式都算多。雖然價錢唔平啦,例呢個早餐獨立買要 $288,但食得開心偶一為之都 okay 嘅。🤠

雜菜,車厘茄
34 瀏覽
0 讚好
0 留言

(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
推介美食
炒飯
素餃
咖哩
白粥,混醬腸粉
即煮粉麵
薯餅,煎蛋,炒蛋
燕麥奶,豆漿
葡撻,熱香餅
鬆餅
雜菜,車厘茄
  • 燕麥奶