十三少 (已結業)

突然想食D 重口味既菜式，就試下呢間隱敝食肆啦❣️十三少酸菜魚 (唔辣）香港都可以有好食嘅酸菜魚，仲可以有唔辣揀，仲駛乜北上咁周車勞動呢。因為唔想成餐都係麻辣同一隻味，所以叫左唔辣既酸菜魚，睇落好大盤，食下食下就食哂，夾埋D 酸菜酸酸甜甜好開胃，魚肉仲好滑，D 湯最好用黎撈飯，又KO 一碗飯🐷🤦🏻‍♀️❣️麻辣鹵豬手豬手好淋唔駛用力就可以夾開，D 鹵水肉炆到好入味，又麻又辣，其實好過癮，同埋D 香料好香，聞到有花椒麻油味，好正❣️麻辣小龍蝦香辣既小龍蝦，又麻又辣，肉質彈牙，唔好以為細細隻無乜野食，原來都好多肉，仲有D 青瓜好爽口❣️粒粒蛋黃蝦仁炒飯唔食D 飯落肚個肚好唔實在，所以叫左碟飯試下，D 飯炒到粒粒分明，因為加左蛋黃黎炒，所以好香口呀😋叫左太多野食唔哂，咁就打包留番聽日帶飯慢慢歎