晴の居酒屋 (裝修中)

🎏晴の居酒屋(佐敦）今次嚟到呢間近柯士甸新開嘅居酒屋，餐廳嘅裝修充滿着日式嘅感覺🗻🎏，令人好似置身喺日本當中，食物質素唔差，大家經過都不妨支持下小店💪🏻💪🏻！🍱晴の御宴 (2人份量) ($588 )餐廳而家新推出咗呢個二人套餐，佢哋全部材料都係每日由日本新鮮直送🤣🤣 呢一個套餐種類都好多，包括：雜錦魚生丼飯、燒虎蝦、鮪魚腩蓉反卷、雞皮餃子、炸雞件、黑豚肉蘆筍卷、日本紅豆蕨餅等。雜錦魚生丼飯🍣有三文魚、吞拿魚、深海池魚、吞拿魚腩蓉等等.. 刺身全部都係厚切，新鮮得嚟有魚油👍🏻虎蝦🦐燒得金黃，好香口，調味啱啱好，唔會好鹹👍🏻而且蝦肉食得出鮮味。鮪魚腩蓉飯卷吞拿魚腩蓉好多，一啖食嘅話，魚油同飯混合埋，大滿足！雞皮餃子外皮金黃酥脆，內餡亦都軟嫩多汁！雞皮油香十足，餡料亦都好飽滿😍！炸雞件係唐楊炸雞😍😍！外皮唔會好厚，仲好脆😜！黑豚肉蘆筍蘆筍爽口，豚肉亦煎得微焦，夾住食好match👍🏻👍🏻日本紅豆蕨餅抹茶味濃郁，配埋紅豆甜甜地，蕨餅煙煙unun，好食！🍜日式叉燒烏冬要讚一讚個叉燒煮得好淋🥹👍🏻 烏冬亦煮得偏淋～