鍋匠中日火鍋專門店 (已結業)

以前補習的小弟弟依家入左大學讀神科，都不忘得閒約我出嚟食吓飯。今次我哋去咗旺角的鍋匠，係新開的火鍋店。一去到的時候，唔敢相信自己的眼睛，原來旺角都有咁Fancy環境甘好的任食火鍋店。小弟弟一早已經點好餐，一坐低店員就送上沙律，沙律菜爽脆配上芝麻醬好開胃。坐低冇耐店員已經送黎圍裙俾我哋兩位女士。同時我亦留意到，原來呢度除咗嘢食外，賣點係佢哋貼心的服務，佢哋用心服務每位客人，你諗到同諗唔到的服務都會搵得到。來之前做足功課，知道花膠雞煲係呢度的一道名菜。花膠真係有滿滿的一大碟。放入鍋中整個鍋都會變成淡黃色，花膠同雞好相襯，豐富的膠質最適合女士進補。食完花膠雞煲，就係食海鮮拼盤的時候。海鮮的品種好多，而且好新鮮。估唔到任食的火鍋餐廳都會有鮑魚提供，口感佳又鮮味，質素幾高。其他食物的款式都唔少，冇漏單又無缺貨。蔬菜好新鮮好靚仔，一D都唔似任食質素。牛肉方面，唔同價錢可以食到唔同等級的牛肉，而我哋就食到手切雪花肥牛。雪花肥牛肥瘦均勻，牛肉味突出而香濃，食到停唔到口。呢間餐廳仲要做到真正的任食，真係叫幾多點出幾多碟，而且質素完全冇下降。我哋幾個人叫左五六碟靚肥牛，真係回晒本啊！除咗飲品任飲，食飽飽之