NINETYs (皇后大道東) (已結業)

今年年初見過一篇報導，關於90後青年開咖啡店，注入澳洲風格，講既就係呢間灣仔既NINETYs 。經過幾次，但係下午都有人排隊，所以今次決定夜晚一訪呢間cafe。white　($42)咖啡有白，黑同濾三款。我就叫左白咖啡，揀左cappuccino 同埋choco blend ，choco blend 包括巴布亞新幾內亞、巴西同埋秘魯咖啡豆在內，帶著焦糖、榛子以及牛奶朱古力味，飲落都幾順滑。20 mins slow cook norway salmon ($168)三文魚來自挪威，經過慢煮二十分鐘，我朋友叫左呢款，我就試左少少，三文魚既肉質都幾嫩滑。siu wan rice ($158)相估大家睇過星爺既<食神>之後，都知咩叫黯然銷魂飯。呢度食完唔會黯然，但依舊銷魂，用上日本既蛋煎過放喺飯上面，加上叉燒。特別既地方係咩？無錯，呢啲唔係一般既叉燒，而係西班牙黑毛豬叉燒！食落鬆軟，唔乾唔嚡，帶點肉汁，唔錯喎確實。甜品本身係想叫店內招牌既donut不過咁岩賣晒，不過呢款都唔錯既。整體嚟講食物質素唔錯，而店員service都幾nice。