吃吧 (僑建大廈) (已結業)

同朋友兩個去度食晚餐，雖然在大廈二樓，招牌不太明顯，但睇住ｏｐｅｎｒｉｃｅ個地圖搵，都幾易搵到，地點都方便。夜晚去食加上燈光個亮度舒服，環境氣氛都吾錯，，岩晒同朋友一路食一路傾下計。我幾欣賞餐廳既擺設同裝潢，同朋友坐左係近牆既卡位，枱面有點中西式懷舊既醬瓶，手作啤既sample 擺設，令到影起相來特別有風格，嘻嘻。食物方面，比我想像中好味同份量足料，性價比都算高。叫左份烤雞餅，西班牙魷魚海鮮飯，烤豬肋骨，熱情果接骨木花茶同埋荔枝烏龍。花茶一來到，即刻忍吾住要打卡，哈哈，個茶用左個類似中式懷舊既花瓶樣既瓶裝住杯杯，中真係插左幾枝花係上面，賣相無得挑剔，飲料味道亦都吾錯，值得推介。另外，不得不提就係個魷魚海鮮炒飯，真係有成大隻魷魚係上面，真係第一次食到咁足料既海鮮炒飯，中有大大粒既帶子，青口同大蝦。食到吾停口。個魷魚好大，同朋友兩個差點食吾晒。個豬肋骨烤得岩岩好，夠晒林，幾易入口，吾會要係咁咬痴晒牙。烤雞餅就熱啦啦，塊餅脆卜卜，每啖都食到點肉。整體都好足料，味道方面都好高水準。值得推介同下次再食。