團日式拉麵 (已結業)

今日嚟荃灣試呢間開左一星期左右嘅拉麵店，店特別之處係喺門口放左部拉麵自助販賣機比顧客自己點餐，好有日本feel，而拉麵有四款選擇分別係(魚介拉麵，黑蒜油，辛味同櫻花蝦)我就揀左原味魚介拉麵，而麵條有曲身或直身麵，我就一向都喜歡食曲身麵，因為比較掛湯同口感好啲，買麵卷後坐底大約等左10分鐘拉麵終於上枱，先試湯底，好重豚骨同魚介味道，又唔會太油膩，而麵條入口煙韌彈牙好食，叉燒係用五花腩做，肥瘦分明，咬落肥嘅部分好爽脆，瘦部分又好嫩滑，糖心蛋亦煮得唔錯，個人覺得呢間拉麵店算係香港近期一間比較出色嘅麵店，值得去試，我準時6點鐘到嘅時候唔太多人，但跟住陸續有客人到，好快就已經滿座仲要排隊。