影片
更多
2020-05-25
288 瀏覽
近年同朋友好鍾意去南豐沙廠呢間酒吧飲野，除左因為呢度嘅手工啤好有特色，而且呢度嘅環境比起一般鬧市嘅酒吧清靜座位又闊落，好啱同一班朋友嚟傾計飲野。我特別鍾意飲呢度嘅 cha chan teng gose 咸檸啤，飲落充滿香濃嘅小麥啤酒味外更真係有濃郁嘅咸檸味，令到啤酒嘅味道更fresh，入口清爽唔會苦澀，係新奇得來意外地配嘅組合，所以我嚟親都係飲呢一款！另外要一提呢度嘅啤酒係有0.2L size提供，啱晒想淺嘗嘅朋友~食物方面，呢度繼續都主打創新嘅cross-over菜色，水準更係有意外驚喜！退役超人餡料有流汁嘅太陽蛋、火腿、bacon、salami、燻牛肉片、仲有牛油果蓉、蕃茄等等，再用啤酒包夾住，麵包整得鬆脆，餡料亦夠足料。另外因為我地有朋友唔食牛，原本打算叫走牛，店員細心地提出幫我地燻牛肉片另上。馬來肉骨飯聽到個名已經覺得好特別，鍾意食肉骨茶嘅我地更加係非叫不可，呢個菜其實就係肉骨茶同risotto嘅cross-over，飯粒索晒肉骨茶嘅味道，加上risotto濕濕地嘅質感，惹味得令人食到停唔到口！麻婆玉米片最後飲啤酒當然唔少得煎炸野，呢個又係聽個名都覺得好新奇，而且又覺得係唔會伏
我特別鍾意飲呢度嘅 cha chan teng gose 咸檸啤，飲落充滿香濃嘅小麥啤酒味外更真係有濃郁嘅咸檸味，令到啤酒嘅味道更fresh，入口清爽唔會苦澀，係新奇得來意外地配嘅組合，所以我嚟親都係飲呢一款！另外要一提呢度嘅啤酒係有0.2L size提供，啱晒想淺嘗嘅朋友~
食物方面，呢度繼續都主打創新嘅cross-over菜色，水準更係有意外驚喜！
退役超人
餡料有流汁嘅太陽蛋、火腿、bacon、salami、燻牛肉片、仲有牛油果蓉、蕃茄等等，再用啤酒包夾住，麵包整得鬆脆，餡料亦夠足料。另外因為我地有朋友唔食牛，原本打算叫走牛，店員細心地提出幫我地燻牛肉片另上。
馬來肉骨飯
聽到個名已經覺得好特別，鍾意食肉骨茶嘅我地更加係非叫不可，呢個菜其實就係肉骨茶同risotto嘅cross-over，飯粒索晒肉骨茶嘅味道，加上risotto濕濕地嘅質感，惹味得令人食到停唔到口！
麻婆玉米片
最後飲啤酒當然唔少得煎炸野，呢個又係聽個名都覺得好新奇，而且又覺得係唔會伏嘅組合。果然呢個配撘相當不錯，留意呢隻麻婆醬係好辣！但係辣得好惹味，加上面頭有sour cream中和下辣味，揸滿每塊墨西哥粟米片香口得不得了，係送啤酒必食之選！
張貼
