影片
更多
2009-01-23
18 瀏覽
我本身唔特別喜愛韓國菜既，但係行街行到好腳痛，一袋二袋咁逛到呢邊，又冇訂檯食晚飯，所以就決定試一試~ 去到門口見到都五成滿，但係侍應話二人檯得返一張，仲要位置近廚房廁所……我唔想呢…侍應就建議我地坐住先，有人埋緊單，清左檯之後就可以搬我地過去~ 咁就okay啦^^ 個廁所位真係唔多好呢，好嘈又污糟…坐底就有經理俾個餐牌我地睇住先~ 幾分鐘之後我地就轉檯喇我就鍾意韓式窩品多過燒烤既…慢慢食又唔駛自己煮^^ 不過見到menu份份都好大份，兩個人跟本就試唔到好多野~ 最後男朋友決定左一個牛什鍋，本來想叫多個薄餅食既，不過個經理叫我地食住個鍋先，怕我地食唔哂~:六小碟做得一般，Kimchi都幾岩我口味，偏辣多過酸~ 薯仔定蕃薯我同男朋友拗左好耐…甜甜地唔錯~ 芽菜同豆苗都好香麻油味~ 其他凍冰冰又酸味味，感覺好怪呢…跟住個牛什鍋真係好巨型喎…戴滿哂唔同既食材~ 侍應幫我地開左個爐之後就慢慢等個鍋滾…聞住D味都覺得好辣好香^^見到有四隻大餃子，幾款牛什，大量韓國年糕同埋大量什菜~ 首先飲左個湯一啖，起初都唔覺得好辣，不過飲多兩啖先知都幾辣架~ 全部牛什都炆得好入味，可惜我唔識得分牛既肉臟，淨係記
去到門口見到都五成滿，但係侍應話二人檯得返一張，仲要位置近廚房廁所……我唔想呢…侍應就建議我地坐住先，有人埋緊單，清左檯之後就可以搬我地過去~ 咁就okay啦^^ 個廁所位真係唔多好呢，好嘈又污糟…坐底就有經理俾個餐牌我地睇住先~ 幾分鐘之後我地就轉檯喇
我就鍾意韓式窩品多過燒烤既…慢慢食又唔駛自己煮^^ 不過見到menu份份都好大份，兩個人跟本就試唔到好多野~ 最後男朋友決定左一個牛什鍋，本來想叫多個薄餅食既，不過個經理叫我地食住個鍋先，怕我地食唔哂~:
六小碟做得一般，Kimchi都幾岩我口味，偏辣多過酸~ 薯仔定蕃薯我同男朋友拗左好耐…甜甜地唔錯~ 芽菜同豆苗都好香麻油味~ 其他凍冰冰又酸味味，感覺好怪呢…
跟住個牛什鍋真係好巨型喎…戴滿哂唔同既食材~ 侍應幫我地開左個爐之後就慢慢等個鍋滾…聞住D味都覺得好辣好香^^見到有四隻大餃子，幾款牛什，大量韓國年糕同埋大量什菜~ 首先飲左個湯一啖，起初都唔覺得好辣，不過飲多兩啖先知都幾辣架~ 全部牛什都炆得好入味，可惜我唔識得分牛既肉臟，淨係記得有金錢肚，牛腸同牛腩~ 食什食到眼坦坦呢~~~ 另外餃子都滾到皮開肉爛喇，個皮幾厚…我最鍾意D年糕，因為好煙韌好咬口，不過好飽肚囉，我食左幾舊都開始飽 一路食一路叫辣，但係又繼續食繼續飲湯~
好彩冇再額外叫其他食物，如果唔係都唔知點算~ 甜品有雪糕，西瓜同埋紅棗茶，都係中規中矩既~
兩個人食得好開心，其間經理都有黎問下我地覺得點樣，又幫我地控制下個火，服務唔錯既~
埋單 $ 370
可惜我地兩個人淨係可以試到一味菜，相信其他食物都唔錯既…
下次可以試下個牛肋骨
張貼