十兄弟車仔麵 (已結業)

食車仔麵最重點一定係個汁！如果個汁夠濃夠辣，呢間車仔麵店已經贏咗8成啦！位於灣仔嘅十兄弟車仔麵，雖然餐廳係新開，但佢個辣汁經已深得大家喜愛。我哋今日就嚟到十兄弟車仔麵挑戰一吓佢嘅辣汁，睇吓會唔會辣到變大喊十！小食拼盤呢個小食拼盤即叫即炸，有炸紅腸、炸墨魚丸、炸魚蛋同炸魚肉春卷等等，點埋泰式辣醬就更加惹味。招牌八寶麵十兄弟車仔麵有唔少配料選擇，多到唔識揀就不如叫招牌八寶麵啦！八寶配料有牛坑腩、大腸、豬紅、豬皮、蘿蔔、辣魚蛋、粟米、雲耳。蘿蔔切得夠大件，又清甜，完全無渣；大腸唔會太肥又乾淨，質感軟腍；車仔麵必叫嘅豬紅同豬皮夠入味，又唔散，唔錯架；至於牛坑腩軟腍，肉味濃郁！重點當然係個醬汁啦，辣得嚟又好有層次，醬汁濃郁，好惹味呀！單點車仔麵十兄弟車仔麵嘅配料真係好多，講到索汁嘅配料，當然要數牛柏葉啦！牛柏葉索晒啲辣汁，味道真係滿分呀！但就略嫌牛柏葉有少少韌。至於呢到嘅米粉都值得推介，係銀絲米粉，好好味呀！