爆汗串串 (已結業)

麻辣火鍋食得多，但麻辣燙係香港就比較少較，仲要以串串形式既放題就更少見，放題形式唔洗就住就住，想食幾多就幾多，咁先夠爽。食法其實好簡單，只要點選想食既款式交俾店員，佢地就會幫手煮熟再泡落麻辣湯中，浸好滿滿既麻辣湯後就食得啦。 麻辣湯香氣夠，花椒磨碎加入湯汁，每一啖都麻得起勁，加上辣味真係會爆汗嫁！！食物方面好多都唔錯，牛肉嫩滑，雞賢爽脆，仲有鴨舌點，令人非常驚喜，雞軟骨亦非常推介。仲有好多其他食物如金菇等就要小心啦，因為非常吸辣....一唔小心就辣到爆！佢地既小食好出色嫁，例如棒棒雞，清爽既青瓜配上嫩滑雞肉再加上芝麻醬，真係無得輸。其他如麻辣千層肚都唔係隨便整的，同係外面單點差不多，鐘水餃都好好食。不過酸辣厥根粉味道就淡左d，無咩酸味同辣味，可以既話食其他麵食可能較好。除左小食仲有甜品 - 冰粉，萬一真係太辣食番碗冰粉就岩岩好(佢真係救左我一命)，酸酸甜甜好解辣，比飲品更解辣！飲品可以單點，都可以加$30任飲，其實一般可能會飲兩樽以上，感覺任飲較抵！仲有啤酒飲。整體價錢唔貴，店員都非常體貼，見你食到好似好辣食唔到，就會主動提出俾碗湯你(豬骨湯唔係清水)，等你可以洗洗先食。