辣吧 (已結業)

朋友話之前食過一間令人忘懷既麻辣海鮮餐好滿足，又知我鐘意辣決定今晚要帶我見識下! 呢間辣吧顧名思義係麻辣同酒吧既混合體，位於尖沙咀諾士佛臺1號1樓，相當易搵。一入到去裝修好潮，叫到台面上既濕紙巾 設計笑左! 而普通紙巾設計到好似煙盒咁！有趣!因為見枱枱都食海鮮大咖，所以我哋都嗌咗一set。海鮮大咖會包六款海鮮 （每位$288），仲可以包四款配料：我地簡左土豆粉、白蘿蔔、薯條和金針菇。仲可以簡埋辣度!(麻辣、冬蔭功或蒜茸)一嚟到已經好震憾，個個都搶住影相，一大隻海鮮船同黎呃like一流。材料有好多，例如有青蟹、魷魚筒、元貝、蝦、鮑魚、花甲等等。海鮮全部都鮮甜好新鮮。青蟹: 估唔到有膏，唔係hea我地既，而且食得出好實肉，重點一讚好細心已經先殼，所以食起黎好方便。魷魚筒: 彈牙，仲要食極仲有，好chewy!蝦: 爽口不得止，仲要一早已經脫埋殼，懶人食法簡值係。鮑魚: 一人一隻唔洗爭，洗得好乾淨土豆粉: 煙韌彈牙，係必試之選。白蘿蔔煮得耐咗都好入味。我都食得幾辣，嗌咗最小麻辣令到食到差不多尾個陣土豆粉已經吸曬D辣汁既精華，好惹味。成餐飯辣得過癮🌶🌶 海鮮夠新鮮，會再黎光顧!