渝。湘菜館 (已結業)

上網見到佐敦新開食店 [渝。湘菜館] 主打四川，湖南菜式，比較少有，地道。午市有一系列農家菜木桶飯套餐，仲有酸菜魚，麻辣，水煮系列👍🏻🌟 選擇很多。攸縣香乾炒肉木桶飯套餐$56湖南菜農家小炒，其實都可以非常辣。所以我哋一定記得要小辣，豆腐乾好正，切得簿薄的肉片夾雜着香蔥，辣椒🌶️，惹味醒辣！😊炒肉下面就係白飯，好有風味～小炒肚絲木桶飯套餐$56有鑊氣，豬肚夠爽唔韌，同樣小辣帶微微嘅甜最美味！酸豆角炒肉末木桶飯套餐$56這款菜式偏鹹，重口味嘅人啱晒~當然一定要配白飯🍚麻香水煮魚客飯套餐$68果然麻香勁重，水煮魚基本吸引點😋並不單純辣，一定要夠香。魚片嫩滑同樣啖啖肉！此套餐包例湯，涼菜和白飯🍚老火例湯清甜多料👍🏻🌟涼菜雲耳夠爽脆！酸菜魚$228標明係鎮店之寶，果然冇令人失望😋👍🏻魚肉雪白，難得厚身又嫩滑，啖啖肉冇細骨之餘仲有魚嘅香味。酸菜嘅味道適可而止，配襯濃郁嘅魚湯，味道鮮香。辣度真係如我哋所願微辣而不失風味。配料也很夠份量，大量芽菜，薯粉，酸菜。孜然牛肉$118牛肉炒得乾身，有嚼勁，孜然嘅調味令牛肉更加惹味！