麻辣真漢子 (已結業)

今日同個朋友坎左葵涌廣場行街兼掃街，見到佈置好有職安健feel既「麻辣真漢子」，一於就試下。我哋叫左份套餐，有腸仔有墨丸有雞肉的，唔記得左佢叫咩名。不過佢既七味粉的確好重手下，我哋只係叫少辣，但係都好辣。重點係得個辣字，其實無咩特別感覺同食到食物既味道，而且果種辣就好似就咁食果啲七味粉咁，其實都幾無意思。希望如果佢哋有心做既話，其實可以自己配製一啲辣味既配方，打響下個招牌，唔好浪費左咁好既一間鋪頭。我見佢哋為食物去改名其實都幾有心思，容易吸睛的，不過做飲食小店既生意，其實各方面都要兼顧的。希望佢哋會加油啦。