花椒子 (已結業)

今日黎花椒子食川菜，入口係山東街再行樓梯落去，餐廳嘅燈光同佈置令你好似置身係太空之中，仲寫住「辣到上太空」，即管睇下辣到有幾過癮先~！ 午市有lunch set，包小食一款，加錢有唔同種類嘅飲品，CP值唔錯。 小食揀咗麻辣豬耳、川辣臂片，好爽脆，辣辣地非常開胃。 酸菜鱸魚片，配白飯，估唔到有咁多片咁厚嘅鱸魚，鮮甜得黎又嫩滑，就黎入口即溶，湯底好濃郁，仲配上大量酸菜、萵筍同埋其他配料， 紅燒肉麵，紅燒肉層層分明，好有口感，湯底清甜唔膩。 之後我地再額外叫咗麻辣小龍蝦，因為係香港真係好難食到。小龍蝦每隻都好大，唔洗擔心剝完啲殼冇肉食，小龍蝦肉滲入麻辣汁，超惹味。 湘味串串，係冷鍋串串黎，兩杯裝住兩種味道嘅湯，各有7串。本身食落唔辣，但係後勁十足，係今餐最麻最辣嘅一道菜。串串包括鮑魚仔、魷魚、毛肚、鵪鶉蛋、椰菜花等等，一串一串咁食好有風味~ 太空木桶冰，見到餐牌上賣相咁靚，忍唔住都點咗，底下仲有涼粉添，食完辣再食冰就係冰火二重奏。最後lunch set加配嘅2杯飲品，分別係青檸芒果同青檸菠蘿手搖茶，果味香濃，連飲品都媽呼！