麥當勞 (信德中心)

營業中

休息中

麥當奴不時都會出一啲新產品，今次就係脆辣雞腿包上加上韓式辛辣醬。係網上見到有人話自己一個星期食一次麥記就自稱係忠實粉絲，哈哈，咁我一個星期有四日嘅早餐都係麥記，唔知係咪叫超級粉絲？最近天氣唔多好，時不時又下雨，最啱食啲開胃食物，今日收工路過上環信德中心麥記，見人唔多，於是就行咗入去買，平時主要去麥記做早餐嘅我，覺得夜晚好似唔抵食，今次我都只係用八達通扣積分，哈哈。叫了韓風辛辣雞腿包餐，跟餐有薯條，我轉飲熱朱古力，另外叫職員俾多杯水。韓風辛辣雞腿包係用盒盛著，原來英文叫 Korean McSpicy，其實唔知點解麥當奴係用個 '飽' 字。一打開個盒，見到紅紅嘅韓式辛辣醬係邊位流出，韓風辛辣雞腿包都落咗唔少生菜，感覺好似健康一點。雞腿可能被醬汁包圍，無平時食脆辣雞腿包咁香脆熱氣，雞肉都嫩幼。不過韓式辛辣醬都幾辣，我本身唔係好食得辣，所以都一邊食薯條，一邊食包，中和下。薯條我慣咗唔用茄汁，略嫌薯條不夠熱，不過味道是可以接受嘅。因為韓式辛辣醬太開胃惹味，有機會食完唔夠飽，好彩我叫了熱朱古力，飲完就剛剛滿足。