小草十八怪石鍋米線 (已結業)

黎到旺角真係好多嘢食，但係呢一間米線真係其貌不揚，但係真係轉角遇到愛。估唔到一間樓上店舖，入邊咁乾淨企理，員工服侍態度周到，而且食物質素仲要好高。大家一定要嚟試嘅就係佢嘅米線，佢可以揀九款餸用石頭鍋上，之後可以見着佢熱辣辣咁樣煮起，唔單止好治瘉，而且超級好食，超級新鮮。唔似普通嘅米線咁，佢各樣材料都係鮮味十足，湯底仲要係好好飲。一開始以為淨係有得食米線，原來有串燒食，仲可以叫大大杯嘅嘢飲，食完串燒飲咁正嘅嘢，真係人生一樂也！唔使驚咁大杯嘢飲飲唔晒，因為啲嘢食都係好鮮味，而且調味得幾好，所以你哋要飲好多水先夠㗎。