轉角‧見

營業中

休息中

之前偶爾都見有人分享呢間轉角.見，最近跟住飲食地圖覓食，又見到佢個名，決定過去試試。其實店面唔算好大，但佈置幾有文青feel ，感覺幾舒服。奧利奧朱古力奶昔 $37幾重Oreo 味，朱古力味都夠，又唔會好甜。炸魚薯條 $76用嘅係紐西蘭鱈魚，不過覺得個炸漿厚咗啲，但都炸得夠脆，內裡嘅魚都唔會炸到過份，仍然都好juicy 同嫩滑，點埋個他他醬，係好味嘅。而薯條亦炸到金黃色，口感外脆內軟。芝士蘑菇漢堡 $55漢堡包幾香幾鬆軟，漢堡扒都唔會煎得太熟太乾，加埋芝士同蘑菇，入口啖啖有芝士味同蘑菇香。價錢合理，食物都唔錯，值得支持。