天壽和食屋 (已結業)

早幾日同朋友gethering, 突然諗起呢間小店好想食。一行4人入到去，點解唔同嘅，先知道已轉手，不過既然嚟到就即管試下啦。第一round，我地叫咗甜蝦同馬刀貝刺身，軟殼蟹卷，餃子雞翼，黑松露炒雜菇。甜蝦同馬刀貝好鮮甜，軟殼蟹卷都ok，但最驚喜係餃子雞翼同炒雜菇好好味，尤其炒雜菇明顯係足料黑松露醬同牛油香味濃郁。當然要即刻order第二round，朋友話想食燒物，燒雞翼，雞軟骨同牛舌，同encore餃子雞翼同炒雜菇。我唔食牛舌，朋友話燒得好好味，我就試燒雞翼，燒得唔乾喎。落單嘅時候，貌似老細嘅哥仔問我地啲食物有乜comment，我地都好老實講炒雜菇佢用咁多牛油唔係人人都鐘意，雖然我地好喜。最後，叫多碟海鮮炒烏冬，嘩，大碟到呢，我地只係食咗半碟，其餘要打包走。