桂花小館

轉手之後味道真係差了很多，醉雞唔似以前咁入味，味道又淡特色都失去埋，已經失去繼續幫襯既動力。本身諗住撐下小店，點知真係超失水準，上菜慢就算了，出菜都唔跟先黎後到咁不斷出外賣客，睇到火滾，等左20分鐘先上個醉雞米線，以前明明幾分鐘就出到菜。墨魚餅又差曬，半個鐘先出菜，仲聽到佢即場解凍撞擊的聲音，墨魚餅上菜個樣真係不忍直視，三塊爛蓉蓉既賣相同以前間舖真係無得比以前真係超鐘意嗰兩個姐姐煮既野食，依家呢個後生仔真係好唔掂，不可一不可再，難怪佢拍曬烏蠅無人幫襯啦，以身試伏完畢。