魚珈旨 (已搬遷) 新店位置

之前一向都食開親子三文魚lunch, 今次試下同事試左幾次既壽司lunch先!一拎到黎已經覺得好型~木板上擺左8件壽司!雖然細細件, 唔大囉, 但感覺精緻!同樣有隨餐附送既烏冬, 味噌湯同燉蛋, 一樣好好味!壽司除左唔大件之外, 某幾款都略嫌唔夠光澤, 可能係我希望好高吧但其實真係好好食的!! 最好食反而係3件細卷三文魚! 塊紫菜拎晒分, 好好味!!! 另外仲有一粒正方形既蛋, 都一樣好好味囉!! 最後加埋個vanilla雪糕~ 滿足!!