古早味休閒台灣 (已結業)

以前用里數換機票話飛台灣就飛台灣，由於上年航空公司要加燃油附加費，明屈我哋呢班換里數機票嘅乘客，而家換張台灣機票都要額外俾多四，五舊水真係好唔抵玩，所以都冇飛台灣好耐啦。為咗解下台灣嘅資料，今晚再嚟呢間食台灣。黎到發覺佢轉左Menu喎，以前有晚餐好抵食，一個主食加杯嘢飲仲可以另外再加啲小食，而家再冇呢支歌仔唱，睇嚟都同航空公司一樣境況，無得再so!!小食叫咗鹽酥雞同埋滷水拼盤，鹽酥雞幾野味但係分量少咗啲，滷水拼盤嘅味道幾好，煮食就叫咗番茄牛肉麵同埋炸雞扒滷肉飯，牛肉麵我最鍾意味道亦都唔錯，炸雞扒都好脆，甜品我哋叫咗三個，我最鍾意食嘅芋圓，味道好正宗好好味我覺得唔夠食，草莓窩芙雪糕我個女就最鍾意，一見到超級興奮，仲有脆皮泡芙盼盼都唔錯可以一試。由於冇晚餐嘅情況下，我哋冇叫到任何飲品，兩大一細埋單成為$400, 相信獎前黎會平dd.